12/08 東網 開騷前鬆一鬆 任賢齊湖邊玩雀 - 任賢齊 Richie Jen

https://ppt.cc/fiBo3x

歌手任賢齊近幾個月都忙於內地巡唱，先後到過無錫、廈門、哈爾濱、太原
多個內地城市，日前就身在昆明開騷，一如以往小齊每到一個地方都愛到處逛逛，
今次趁開騷前小齊竟帶大家晨運行公園，小齊行經街邊攤檔買了兩大袋麵包，
仲以為係小齊早餐邊行邊食包，原來唔係畀自己食，係用嚟「餵海鷗」，
這個名為翠湖公園，有過千隻海鷗棲身湖上，小齊雙手拿起麵包做餌，
不停揚手打圈，開頭仲以為啲海鷗會唔理佢，過咗一陣啲海鷗向小齊飛過嚟，
小齊將麵包拋到空中，海鷗秒速張口就將麵包食落肚，每拋一次，海鷗都成功接住麵包，
小齊好似變身「馴鳥師」一樣相當犀利。除了去餵海鷗，亦有去睇名勝，
去咗袁世凱嘅講武堂，小齊更走去大炮前留影，經過一朝早放鬆心情後，
小齊就返場館為演唱會綵排。

--
世間有 謗我 欺我 辱我 笑我 輕我 賤我 騙我 如何處置？

只要 忍他 讓他 避他 由他 耐他 不要理他 再過幾年 你且看他。

--