6/29 頭條日報 同老婆行超市當運動 任賢齊歎增肥 - 任賢齊 Richie Jen

http://hd.stheadline.com/news/daily/ent/680327/
同老婆行超市當運動 任賢齊歎增肥好辛苦

任賢齊同鄭秀文相隔16年再合作拍新戲《花椒之味》，小齊戲中飾演一個周身肉嘅麻甩佬
，仲要留長手指尾指甲，齋諗都有畫面，小齊家陣超過200磅，佢講出肥人之痛，「O依家
有個大肚腩，行路時會磨大髀。」日前下午，全身黑嘅小齊同索老婆去ifc超市買嘢， 又
橫又厚嘅佢步速好慢，問佢買乜嘢？佢遞一遞隻手，手中係一支會長肉嘅飲品，小齊話︰
「日日都要飲。」採訪︰張詠森

Sammi好佩服小齊：「睇見佢就辛苦，我見證佢一路增肥嘅過程，佢一次比一次肥，
就算飽都要繼續擺嘢食落口，所以幾佩服佢，佢嘅付出並非一般人能夠想像。」小齊透露
為增肥每日要食足六餐，更笑言被太太嫌棄大肚腩。但最慘係電影尾段佢又要瘦返，所以
下半年要急速減肥：「要瘦都好慘，冇嘢食我會發脾氣，o依家我見到珍珠奶茶都驚，醫
生話我血糖血脂都高，咁樣唔健康。」

任太愈嚟愈Fit

當日，小齊同老婆去超市買嘢，老婆負責找數，男嘅負責拎嘢，肥咗嘅小齊依然好眼利，
一眼就發現記者，做咗好多趣怪表情，心情應該幾好。好粗碌嘅佢行得幾慢，問佢增肥
狀況，佢話︰「好辛苦，真係好辛苦。」 而任太就愈嚟愈後生，着住Ruffles露膊上衣
加短褲，皮膚又滑又Fit，小齊身形足足係佢老婆身形X 2。

--
世間有 謗我 欺我 辱我 笑我 輕我 賤我 騙我 如何處置？

只要 忍他 讓他 避他 由他 耐他 不要理他 再過幾年 你且看他。

--