任賢齊踢門戲搞到肌肉撕裂 郭晉安等導演 - 任賢齊 Richie Jen

https://reurl.cc/Wxexy

【戲外辛酸】任賢齊踢門戲搞到肌肉撕裂 郭晉安等導演叫well done

攝影：沈健程

建立時間 (HKT): 0318 20:03


張家輝、任賢齊、 陳家樂、郭晉安和吳卓羲等，今晚在灣仔出席第43屆香港國際電影節
的揭幕禮兼開幕電影《沉默的證人》世界首映，眾星大行紅毯。

小齊講到拍《沉》片時受傷，他說：「因為戲中要踢門，大家叫我用力啲，結果肌肉撕裂
，跛咗幾個月，拍時要撐柺杖，大家都好就我，拍咗文戲先，導演話跑跳動作戲慢啲先拍
，我應承咗媽咪唔再拍動作戲，都拍文戲，唔拍打戲啦，但今次都有動作。」張家輝表示
正在西班牙拍攝新戲，這次特意回港支持自己的新戲，他說：「拍《沉》片都辛苦，天氣
凍，又要濕身，我今晚都返西班牙再拍多一星期先回來。」

郭晉安參演《沉》片，首次跟荷李活導演合作，他說：「好開心，我去到同家輝傾咗兩日
偈就拍完，戲中我扮cam cam哋，我扭吓籮柚，豎下手指尾動作。導演話good，但到very
good都未得，要講well　done先得，平均每場戲要四個take，導演畀演員好大空間發揮。
」吳卓羲表示為此片拍六日戲，他收到劇本，有一場動作戲只用「混戰」二字交待：「結
果呢場戲打足六日，我同小齊打咗好多日，我首次同家輝同小齊合作，喺北京拍時好凍，
打戲十幾個take，導演先話well done，先順利拍完。」

--