來港晒廣東話　林心如讚阿女易湊好得意 - 林心如 Ruby Lin

來港晒廣東話　林心如讚阿女易湊好得意

20190328 東網娛樂

台灣女星林心如來港出席活動，多年沒來港的她仍操得一口流利廣東話，談及工作，她表
示正籌備新電影、電視劇及湊女，講起囡囡即時變得好冧：「湊得好開心，佢依家兩歲就
嚟3個月。（易湊？）OK㗎，好得意、好好玩。（想唔想追多個？）做嘢先啦，哈哈…今
年好忙。」原來她正為新戲要減肥：「因為扮一個越南非法打工嘅女仔，冇得食嘢又冇得
住，所以要瘦。（你想減幾多？）5公斤（約11磅），但其實我依家48公斤（約105磅），
應該冇辦法減5公斤，因為真係太瘦，可能視覺上瘦就得。」

囡囡去主題公園瞓覺

問減肥幾耐？她笑言：「其實冇幾耐，因為一路減住，但唔係好認真，但呢排真係要認真
做運動同控制飲食。（老公霍建華陪你減肥？）佢拍緊戲，佢拍戲都係減肥嘅時候。」她
又謂5月中會飛到馬來西亞留一個半月拍戲。問可會帶埋囡囡同行？她說：「可能會叫阿
媽帶佢過去探我，快啲、方便啲。（囡囡嚟過香港未？）未呀，都想帶佢去主題樂園，但
之前帶過佢去美國嗰個，但佢仲細，乜都唔玩得，淨係瞓覺。」

--